#其實得閒食吓港式巨扒都幾開心吖
如果突然想做食肉獸～但又銀根短缺，想平平地食啖啖肉，尖沙咀嘅金鳳大餐廳就啱哂你喇！😁一個鐵板牛扒最平都係$7X~8X～
睇吓塊牛扒～超級厚身～你細心一睇，仲大過個鐵板本身！！😱份量體積絕不欺場架！
至於質素方面.....呃.....其實係落咗好多梳打粉嘅口感～肉質都係鬆泡泡咁啦～大家就唔好期望過高喇～但性價比都算合理嘅！
食完牛扒個晚，唔知點解明明唔算好味...但又會想繼續食多幾啖....令我諗起《春嬌與志明》張志明嘅一句對白：
「我小時候就很喜歡吃便利店的肉醬意粉。那時很多人都問我，你為何那麼喜歡吃？ 它真的是鹹了一點，肉也不多。喜歡就是喜歡。我喜歡她是因為…我覺得她好，她甚麼都好。」:)
金鳳大餐廳
尖沙咀山林道9號A地下
#食勻尖沙咀
Search